细佬第一次写粤语小说，话系小说，其实有好多都系大学果阵既亲身经历，写书亦都系为佐缅怀返班friend，希望距地睇得到，希望大家支持我啊，多谢先啦。一定5会系坑，我已经写佐10万字架啦，逐嘀放上来，大家比嘀意见啦。
第一章 阿奇
我，Arca，19岁，靓仔有格，好多女仔都系甘讲，我岩岩读完高中，屋企人又话要搬屋，惯晒啦，依19年来我搬佐7次屋，平均每2年几换一次环境，5系因为阿爸阿妈中意居无定所，系因为屋企穷，成日俾拆迁佬搞到鸡飞狗走，只不过5知系米真系甘岩，每一次搬屋之后屋企环境都会好一嘀，依次系屋企真正第一次自己买屋住，去到无雷公甘远，顺德碧桂园，环境5错，几岩阿爸阿妈养老。
天河住佐七年勒，除佐细个系东山口之外，住得时间最长就系天河，坦白讲，我真系5想搬，天河系市中心、中央商务区，无论交通、购物、饮食各方面都一流，我住体育东，哇，旺中带静，我都5明搬来做乜。最关键系，我成班老死系晒度，5舍得走，我坚持过，俾阿爸打到猪头甘，5敢出声勒，阿妈话供我读大学，寄宿，甘我就5使系碧桂园甘闷。
是狗旦，横掂我迟嘀都要自己搬出来住，我东山间屋，依家租紧俾人，以后自己住返。
我去紧阿奇屋企，阿奇系我班老死里面比较烂身烂势既一个，转数几高，懒到狗甘，我同距共同语言几多，大家转数都高啊嘛，我闷果阵一般都会去稳距，我部游戏机系距度。
“暗号！”次次拍亲门阿奇都要问暗号。
“开门啦！”我真系好狗烦距笼野。
“暗号正确！”
跟住锁匙飞佐出来，我执起条锁匙开佐度铁闸。
无错，暗号就系“开门啦”，另外其实距系可以隔住度铁闸见到我既。
阿奇着住套睡衣，摊系张沙发度玩紧机，我觉得世界未解之谜里面应该加入点解阿奇可以系甘既角度下边打机，距分得清前后左右咩？
阿奇短头发，尖面，对眼永远都好似就死就死甘无精打采，无论几时见到距都有口烟担系个嘴角度。
“又无食饭啊？”
“食-佐-喇”阿奇举起只脚指下台面，有只铁兜，入边仲有条脆皮肠，一睇就知又系微波炉野。
“饮5饮水啊”
阿奇up下头，我走去冰箱摞两罐可乐，放一罐系距面前，打开一罐自己队，天口庆，队可乐爽到无伦。
“叼，你5帮我打开我点饮姐”
“甘你无手架”
“叼”阿奇坐佐起身，打开罐可乐队。
“仲未有学校肯收你啊？”
“无米7就罗，读佐甘多年，叼，米仲系甘”
阿奇讲系甘讲，不过我知道距其实好想返大学，距屋企有钱，5忧柴5忧米，距5想甘快出来做野，或者讲距根本5想做野，所以无理由5想返学，距要面所以成日死鸡撑饭盖，我霎时之间觉得距好可怜。
阿奇以前系烂仔，出晒名，再加上距蛊蛊惑惑既样，良民见到距系必定运路行既，果阵我5识距，净系知有个甘既人。我系学生会干部，体育部长，当然系同依嘀校园坏份子划清界线啦，其实我都5系话读书好叻，我中意踢波，系校队成员，而且参加各项体育运动都好积极，好活跃，校长觉得我几好，就踢佐我入会。
阿奇中午成日落来睇我地踢波，距都系球迷，一来二往甘就识佐，不过果阵讲5上系朋友，见到面打5打招呼都要睇心情果只。我硬系形住嘀甘既烂仔，无咩事都系5好甘熟，虽然距讲野真系几搞。
阿奇成日响课室食烟，有一次烧烂佐个垃圾桶，结果全校通告批评，系学校系人人得而诛之既不受欢迎人物，但系距其实个样都可以，就系瘦佐嘀，所以我一直都话，千祁米瘦，宁愿肥都米瘦，5系你入银行都小心嘀，个保安吞起上来分分钟一枪爆你头。
直到有一次，我放学返屋企，行下行下见到阿奇茂系个草堆边5知做乜，5知边个伟人话过，人类既好奇心就系全部既智慧同财富，我觉得几岩，于是就摄下摄下甘行过去睇。我见到鬼啊，阿5系，系阿奇系度喂紧只流浪狗仔，睇来依片草地系只狗仔既活动范围，阿奇一抽二愣，好明显系来过好多次，我5知点解好感动，走埋去同距一齐喂，距见到我面都红晒，把口就系甘讲咩执嘀垃圾毒死只狗啊，养肥佐就狗肉滚一滚啊之类前后矛盾既说话。
至此之后我地接触既机会多佐，我渐渐发觉距个人其实系口贱心善，处事方式异于常人，周时搞到其他人无所适从，其实距并5知道甘样会影响到人，坦白讲，依种人比起学生会里面嘀伪君子不知好几多。又加上距转数高，沟通便捷，所以慢慢慢慢我地就变佐做朋友。
阿奇同我都好5中意当时果嘀系5系就叫兄弟既风气，阿奇名言：“我阿妈净系生我一个，你随随便便走来叫兄弟，我仲以为我阿妈对5住我老窦；仲有，兄弟既野，我无饭食你系米照我先，5系咩兄弟啊，收皮啦。”
赞！
阿奇读书就差到无人有，倒数第六名就落演舞台庆祝了（果阵兴），庆祝脱离前五，所以到毕业果阵，好自然，距开始觉得前路茫茫。
“打个电话问下啦，你甘坐系度有狗运行”
“过两日先啦，读5读都7啦”
“...”
“我后日走，搬去碧桂园”
“哦，仲返5返广州啊”
“5返广州去顺德啊？”
“点7知你啊”
“9月份我去外语学院读大专，寄宿”
“恭喜你罗”阿奇知道我一定会稳到学校，所以都5系太意外。
“你果边有消息俾电话我”
“好～”
阿奇一边答我一边继续玩大金刚，只马骝跳下跳下…
好似往常一样，系阿奇度坐佐一个下昼就返屋企，岩岩入屋，电话响，阿奇好兴奋甘打电话来讲“收到信啦！财校！就系外语学院旁边！”我地两个人都开心到巅晒，就差无办法抱头痛哭，我一方面为好朋友又可以苤多3年而开心，另一方面学校近确系可以有个照应。
好似我地嘀甘既差生系列，有书读，未俾国家同未来放弃真系值得兴奋，最紧要，当然啦，又可以过多几年先稳野做。
光阴似箭，日月如梭，眨下眼，我就搬佐过去碧桂园，从此远离我心爱既故乡广州城，咳哼，夸张佐嘀，其实坐车到广州市中心都5使一个钟头。
阿奇开朗佐好多，来我新屋住佐几日，依然日夜颠倒，即系日头训觉，半夜三更嗌肚饿，我阿妈接受5到距既生活方式，我阿爸就鬼死甘中意距，话似距细个果阵，我听我阿妈讲过，阿爸细个都系东山恶少，物以类聚居然表现得甘淋漓尽致。
又眨下眼，好快，到佐开学既时候了。
最新回复
arca (2008-1-11 20:21:58)
通常我同阿奇平时见到嘀父母细路牛龟甘大，仲要送去学校，就会破口大骂，谴责中国既教育系统，谴责人心不古，谴责世风日下，不过依家，我真系无晒声出。
介绍下我既处境先：
我咩住个大书包，装满晒野（蚊香、番碱之类），左手纳住个桶，右手又纳住个桶，桶里面装满晒咩衣架啊，洗头水啊，冲凉液啊甘，最搞野就系右手仲顺便揸住支丫杈，头上边顶住个盆，各位自己谂下个造型，型5型仔就5知勒，总之嘀大姑娘就阴阴嘴系度笑。
头先我地系外语学院正门落车，话明我地就梗系有阿爸阿妈啦，睇到身边一大班新生鱼贯入校报到，朝气蓬勃，我心谂我终于做佐大学生啦，有少少兴奋，有少少激动。我地跟住班学生走入学校。
我地去佐英文学院，见报名既学生多到一层一层，我见到里面有几个双脚系凌空既，你话几多人！你话几夸张！！我阿爸纳住嘀架撑冲入去，无几耐逼翻出来，话我地知我地5系依度报名。
摞命罗，搞半日5系依度报名？我读英文5系英文学院报名？！甘系边啊？日文系啊？农务系啊？？你老母系啊？？！见到嘀老师求其fing下只手叫我阿爸走，我扯起把火就想上去抽距，依个时候，电话响。
“你去能佐边啊，等你19几个钟啦，仲未到咩？”阿奇把声好大，距周围好嘈。
阿奇既财校就系广外隔离，两个校门相隔不足20分钟步程，之间既道路系一条商业街，有好多食野同卖老翻既铺头。阿奇开学早，10日前就搬佐过来学校住，依家成个地趸甘，系都话要过来同我办入学。本来约好系报名处见面，来到5见距仲以为条烂瘫又训过龙，依家甘睇又似乎5系。
“英文学院？痴狗线，以为你系乜能野啊？哈哈”阿奇笑到好大声，收都收5住。
“咩…咩料啊”我一头雾水。
“你嘀甘既外卡生去英文学院做咩啊，分教处啊，出大门转左行10分钟，快狗嘀啦，英文学院…”
我先知道原来仲有个叫分教处既地方，一家人急急脚就掉转头走，按阿奇所讲出学校正门外向北行佐10分钟左右，有一栋新起既白楼，楼下好多人涌下涌下，我见到阿奇系入边撩紧个靓妹，个靓妹好怕羞，见到阿奇同我打招呼，就面都红晒甘跑开佐。
“依度就系你归宿勒”阿奇一边dup头点烟一边讲。
我仔细观察佐下，栋楼入口既大门系绿色既，好大，铁做既，另外成栋楼嘀窗都有铁护栏，依度真系读书既地方？定系监仓？
我嘀行李“啪”声就跌晒落地，依度同我想象中既大学实在差得太远啦，直情系丽晶大宾馆啦。
我原本以为去到大学，我会好似个人甘日日着住嘀好学生feel既衫，带住副黑框眼镜摞住几本书漫步系恬静既校园中，不时仲会有几个好青纯既小姑娘行埋来同你讨论下课业，晚晚去图书馆，实行风声雨声读书声，声声入耳。到毕业我着住套博士袍，好型甘影集体相，迎接一个好光辉既未来…
不过依家，环顾四周，嘀同学古灵精怪，头发无一个系黑色既，哇，叼，果个陷家铲成面都系环！咦呀～，果个仆街，男人老狗陷浜楞手指甲都5同色既！天啊，点读书啊，依度洪兴来架吓哇？我使5使日日上课之前拜关二哥架！
我好down，一只飞机甘企系门口发晒牛逗，阿爸阿妈冲佐入去，同其他阿爸阿妈逼位。
“借歪！”一把好嚣既男声。
我拧转头一睇，四个男仔企系我后边，难得嘀头发全部都系黑色既，不过几乎个个都凶神恶煞，净系得其中一个肥肥地既，满面笑容，同我洒个林say sorry，我侧身让开，距地就摁下摁下甘行佐过去，蛊惑仔，叼，真系有蛊惑仔！
我望住阿奇，忽然间好想喊。
“同距地做室友就67罗”我讲。
“无甘岩挂，甘能多人”阿奇一边讲一边掉低口烟，用只脚，只k-Swiss既鞋底踩熄支烟。
无几耐，阿爸阿妈就逼翻出来，带我上楼稳宿舍，201，一听就系桥头堡位置，好易稳。
男生宿舍全部系2楼，一条走廊两边宿舍，一边向外，阳台直接采光，另一边向内，所谓既阳台隔住个长方形天井对住二楼课室，天井下边系1楼课室走廊。
3楼对上至6楼全部系女生宿舍，读外语女多男少，睇开嘀啦。
我抽到既201房系上楼梯之后右手边第一间，向内，间房好黑，阴阴湿湿，床系现成既look架床，我第一个入屋就第一个拣床，我拣佐靠近窗口（窗口出边就系对住课室既阳台）既上铺，阿爸阿妈帮我执佐下嘀野就走了，两公婆自从买佐碧桂园之后就特别中意匿系屋企。
阿奇递佐口烟俾我，我系阿爸阿妈面前系5食既，扮乖仔，出到来就食得几搏命下。陌生既环境令到我有少少5自在，尤其系依边既环境同想象中差甘远，所以个心都几惊阿奇走佐之后会寂寞，第一次出远门离开屋企人生活，我几5惯，尤其系我5知一阵入来果几个系乜水。
我地就甘昂狗狗甘坐系度倾计，出边忽然间好嘈，跟住就系锁匙队门声。
“你嘀老友到噜”阿奇点起口烟，坐系度对眼超住门口。
我企佐起身，我谂住甘样欢迎室友，应该有助于增进友谊，我甚至连棚牙都依起佐。我幻想紧一阵栋门打开，班室友入到来，劳动人民既双手紧紧地握在一起，我地一见如故，相敬如宾，对月吟诗，把酒言欢，过住“桃花坞里桃花庵，桃花庵住桃花仙，桃花仙人种桃树，又摘桃花换酒钱”既高级生活。等到栋门一打开，我心里面暗叫一声67，眼泪都差嘀流落来，就系果四个蛊惑仔！
“Arca吓哇，同你换间房得5得啊”其中一个黑到成旧炭甘既，面无表情摁下摁下就行过来，语气好嚣张“我地几个一齐既，可能安排错佐，同你换间房，你一个人无所谓啦，吓？”
“好…”
“换你条毛，你地一齐啊嘛，米其他几个搬罗”我个好字都未讲晒出来，阿奇就爆句甘野。
果一刻，我差嘀崩溃，我既大学生活，未开始就已经终止，挽下手过多两个礼拜，我俾人折磨到生不如死，无奈之下自动退学，提前开始职业生涯，我叼，我乜都5识做得嘀乜野，话5埋我既人生已经玩完，无文化、无经验、俾社会抛弃，街童毒打，到老谂返起，影响我人生既一句话既主心骨就得一个“毛”字，哇，含恨而终啊，阿奇，你搞咩家伙啊！
阿奇对眼好凶甘斜望住果四个蛊惑仔，似乎随时三句5埋郁手甘既架势，无办法啦，事到如今郁手就郁手啦，我一边谂一边纳佐一眼张床，上边有个细暖水壶，一阵打起上来有架撑顺手好多。
arca (2008-1-11 20:24:14)
旧炭依然系无乜表情，摞起嘀行李就行佐出去。
“哈哈，只傻蕉，嗌距5好架啦，甘无礼貌人地实5中意啦”讲野既系一个矮矮瘦瘦，一睇就知好醒目既男仔，“我叫阿斐，阿蕉碌木甘架，你5好介意”距一边讲一边笑骑骑甘行埋来递支烟俾我。
“系罗，仲读重点高中添，读屎片咩，读到无晒表情。”另一个高高瘦瘦戴眼镜既男仔讲，“我叫鸡窦”
形势急转直上，我真系有嘀谂5到，原本剑拔弩张既气氛无晒，班友转眼间又会客气成甘既？
我伸手接过阿斐递过来支烟，仲系有嘀迷迷地，阿斐帮我点埋烟，然之后就开始将自己野执上床，鸡窦训我下铺，阿斐对面上铺，果个笑口犀犀既Ivy（矮肥），对面下铺。
阿奇有课，见无咩事拉拉临走佐返财校。我地今日无课，执完屋之后阿斐就提议玩锄大D，玩玩下又变佐玩show hand，我仲开出人生第一铺同花顺，成班契弟输晒依个礼拜嘀生活费俾我甘济，我发觉其实距地都好易相处，ivy原来叫大凸，系5知边个食品局局长既仔，怪之得嘀表情甘鬼官方啦。
沉寂佐个几月既校园因为祖国既花朵返晒来而霎时之间变得好热闹，最开心既就系条商业街果班老板，拍乌蝇拍佐甘耐终于见到米饭班主返来，一个二个发晒癫甘搞优惠，嘀学生见返扎同学仔都好欢喜，成条商业街都系距地既身影，干！清！胜！既饮酒声此起彼伏，嘀饮到大晒既朋友就系路边B里巴啦甘呕，旁边行过嘀靓女就好反感甘掩住个鼻讲两句粗口。
依嘀就系大学生活？乜甘欢既咩？我望住依度好似嘉年华会甘既场景，心里边隐隐约约都有嘀5安乐，你话日后我又系甘既西样，点同阿爸阿妈交待？
我地嘀新生就安静好多，可能岩岩识既关系，个个都霎熟甘扮9晒野。你但凡见到一班正正经经叫两个小菜边个起筷先都你推我拱既九成就系新生。
晚黑7点几既广州，天色有少少黑，我同阿斐鸡窦地换好晒衫，喷好晒香水就出来稳食，好快我地拣佐间有糖水食既铺头坐低，一方面间野都几骨致，另一方面女多，鸡窦连部四仔都推埋来，如果5系甘既场面好难叫得距老人家坐低，依餐自然系我请啦，嗌佐野食之后阿斐就走去等摞野，我地就坐低吹水。
同距地接触落，我大概都对我既依班室友有佐一定了解：
阿斐老窦开摩托车车铺既，搞维修，粗人一个，阿斐好惊距老窦，因为郁嘀就嗌打嗌杀，基本上有甘既家庭背景既人，一定系周围惹事生非，又十分之懂得点样可以5使俾人打既醒目仔；
阿蕉系2中出来既，重点学校，听讲距成绩仲5错添，点解来读大专5考本科就情况不明，阿蕉之所以叫阿蕉，系因为距块面好似前一排有种N记手机甘弯出来，而果款手机出边就叫做蕉，所以阿蕉就叫阿蕉。阿蕉系喜怒不形于色既人版，挤都5笑，不过时不时有句野搞到你肚都痛；
鸡窦屋企几有下，老窦系军转民营企业家，距本人就好中意练车，换过几部跑车，四仔系距最新装备，距几乎去厕所都推住。鸡窦做人得两样野距感兴趣，除佐揸车就系沟女，虽然个样5算靓仔，不过有钱仔普遍几受欢迎，况且距把口仲浪过油，所以十时都拖住5、6条女；
大凸就最神秘，讲野5好笑，着衫out，发型out，无忽似10靓岁既学生哥，成个阿伯甘既款。
我同阿斐比较friend嘀，我同嘀鬼赖口既人特别岩key。
吹下吹下，鸡窦开始讲摩托车知识，由世界冠军杜汉讲到awaii头盔，我地打晒喊露，鸡窦就越讲越兴奋。尼个时候，阿斐忽然间托住两碗糖水乒零乓棱甘跑返来，嘀糖水泼下泼下搞到距一手都系，“嘭”一声，阿斐几乎系将两碗糖水淀落张台度，双手渌到红晒，痛到雪雪声，个样拉住拉住，我地都吓佐一跳，眼丁丁甘望住距，阿蕉问距“又咩树啊你”“啊，靓、靓女”
“系边度！边度！！”一听到依两个字，鸡窦成个醒晒，对眼周围及。
我纳下眼见到大凸口水都嘀佐落来，不过条友好快就抹干净嘴角，当无事发生。
“果，果边…雪…埋紧单！”
四对眼霎声望晒过去，见到个女仔埋完单岩出门口，净系见到少少背面，着黑色紧身上衣，黑色皮短裙同对褐色中靴，其他咩都见5到。
“你有无甘狗夸张啊，未见过靓女啊”阿蕉拧翻转头一字一字甘话阿斐，无表情。
“5系甘话啊”鸡窦嘭嘭声跟住条女就飞佐出去，我见到距追到半路又跑返返来推起部四仔再追。
“好，好正！哇叼，渌到我啊…真系好正！”阿斐对手起晒卜，眼泪水都标埋，讲野有嘀语无伦次。
我笑到喀喀声，我觉得其实同依班友做室友都几好啊，起码有淡笑。
无几耐，我地食食下野，鸡窦就返佐来“叼，边有你讲得甘夸张啊，姐姐来架，睇个样就知啦”
“5系呢，我真系觉得好正，那，碧桂A，你讲句公道说话勒”
几条友知道我住碧桂园，觉得Ar5顺口，个个都改口叫我碧桂A。
“我点知啊，睇5清啊”
“系呢，好狗麻麻，信我啦，距就住分教处之麻，我岩岩见到距入去啦…”
我见到阿斐对眼放晒光，阿蕉望住阿斐难得甘笑佐一下，大凸dup住个头系甘拆，嗯，其实距先至最蛊惑。系果阵时，我真系估5到果个黑色衫既女仔，会系我故事入边第一个女主角；亦都估5到，我既大学生涯，会甘多姿多彩，悲欢离合；我更加估5到，日后，系我眼前既依班人，会有各自甘悲惨既结局…
故事，从依家开始。
兔ＢＥ (2008-1-19 14:50:28)
bing83320 (2008-1-22 12:57:51)
随风X (2008-1-23 00:20:14)