[ＢＥ阅+8]《忘记了什么》

最近工作好忙，忙到忘记咗好多嘢。忘记咗自己识玩吉他，忘记咗自己中意听歌，忘记咗去天河打波，忘记咗自己中意饮酒，忘记咗好多朋友既手机，最重要，系自己静落来既时候，先发觉忘记咗自己有个好锡自己既妈妈。
      唔经唔觉自己都23岁了，妈妈一直都毫无怨言咁照顾我，而我却一直任性地做好多伤距心既事。寻日妈妈出去行街，话要买鞋，我就好似以往一样，翻到屋企就变哑巴，十问九唔答。后来妈妈翻到来，发觉距买咗好多嘢，然而，买俾距自己既只有一对鞋，其他都系买俾我既----一条皮带，好多对袜，一条颈链。
皮带系我有次话想买既，袜系妈妈发觉我得翻好少袜著，颈链系我话想买既，只系一D好普通既嘢，妈妈听完却记低，妈妈唔出声，就将买俾我既嘢放系我台面，我后来睇咗，再谂翻起自己高中之后到宜家对距既态度，好内疚，流咗一滴好耐都没流过既泪，妈妈既付出与回报实在太悬殊了，虽然妈妈买既唔系特别好睇，唔系咩嘢牌子货，但系我今次决定要好好珍惜妈妈买俾我既嘢，妈妈对我实在太好了，我唔知应该点样去表达我对距既爱，唔知应该点样回报距，自知自己脾气唔好，有时放工翻来真系好累，一句话都唔想讲，但系我知道每次当我同妈妈讲野既时候，距既笑容都系最甜既，所以我决定宜家开始，要好好孝顺妈妈。
      希望大家都明白，树欲静而风不息，子欲养而亲不在既道理，好好把握与家人相处的每一分钟。唔好吝啬同家人既嘘寒问暖，唔好随便对至亲发脾气，唔好系分配时间既时候将亲人遗忘咗。
      虽然至亲对自己要求不多，但系唔表示你可以唔做，系孝顺既时候，不妨对自己要求高D，再高D，再高D。
      妈妈，I LOVE U!!!多谢你一直以来毫无怨言既照顾。我会俾心机做翻个人既。

[ 本帖最后由 兔ＢＥ 于 2008-2-25 21:14 编辑 ]