阿婆牛杂＋满记艇仔粥(芳村驰名品牌)

今日去花力会打羽毛球，顺便去咗帮衬阿婆牛杂同满记艇仔粥。

阿婆牛杂：我读初中个时就有得卖了，到家阵，至少十几年啦。一边排队，一边同阿婆吹水，听佢讲，佢卖咗牛杂二十几年咯，夸张D讲句，阿婆卖牛杂个时，我哋都未出细呢。阿婆牛杂，出品一流啦，味道正啊。主要卖牛杂、牛旁、肠、牛肉丸、鱼蛋、萝卜、面筋、菜……D牛旁、肠同萝卜好抢手，好快就卖晒噶了。迟咗去，就剩翻牛肉丸、鱼蛋、面筋同菜了，一样咁好味啦。
开档时间：下午三点几到六点几。
地址：陆居路工商银行隔离那条巷，某商场后门。

满记艇仔粥：都好多年历史咯，好多人去宵夜，相信好多喺芳村呢边住嘅人都帮衬过。一碗艇仔粥＋一个炒牛河或者米粉，几蚊鸡就搞掂了。艇仔粥家阵3蚊半一碗，贵咗5毫子了，味道都喺咁好，不过我就觉得D料小咗咯。炒斋河粉或者米粉，都喺三蚊半啦，油菜就8蚊，肉类嘅就15蚊同18蚊。我觉得除咗碗艇仔粥，其他嘢都喺唔掂，味道唔得啊。
地址：芳村隧道口，往白鹅潭方向的路边，沿着隧道口旁边嘅路行入去，就见到了。

介绍完，去片啦～

睇下有几多人排队，就知道有几好味啦，仲要喺日日都咁多人排队喔。

阿婆咯

唔记得拍牛杂特写添

满记艇仔粥

餐牌，满记驰名艇仔粥3元5角。

艇仔粥啊

放大D先

XX肠，味道唔掂。