雖然敏之沒有一炮而紅，但她仍堅持默默耕耘。
敏之的改變宣言：「今年二十八歲，自己覺得去到另一個階段。」決定的源頭，要追溯至03年，陳父剛剛過身，她的生命也頓時提升到另一個層次。當時24歲的敏之，突然間變得煥然一新：「無論思想、工作態度、演戲方法，都好似唔同晒，連打扮都大個女！從前係少女，依家就愈來愈女人味。近年演出角色都改變好多。依家拍緊新劇，我甚至做王后，大家『王后、王后』咁叫我……」敏之卻毫不介意，「我諗係導演、監製都留意到我轉變、變化，先搵我做！有冇下苦功，其實觀眾都睇到分別！」 95年，敏之已經開始做模特兒，後來在二千年成為小室哲哉徒弟，卻不如想像中發展得那麼好。只是她對一切也順其自然，皆因當時敏之只有22歲，她說：「咁多年來不斷咁Output，冇新入，到最後習慣，拍劇好似變得流水作業，Click唔到自己個腦。」基於這個原因，敏之不斷求學，自我增值，還找詹端文學演技。她表示同學首次見到她都很詫異，因為一個現職的演員竟然重新學做戲。
自認行得慢
喪父使敏之的性格改變，還令她突然看見了自己的未來：「以前成曰覺得做呢行好簡單，只要工作態度好、個樣夠靚、唔遲到做好本分就OK，成舊番薯咁。愈大個先知時間唔多，特別係女仔，演藝生涯更短，慢慢先開始有危機感！」危機感是來自新人輩出、後浪淹蓋前浪？敏之說：「唔係！冇新面孔會悶，你對住一個人耐都會悶啦！呢個圈總有人行得快、有人行得慢。」當下想起《強劍》面，有一幕她要勾引聖劍門的大師兄。「大師兄」的戲很好，他的名字叫張松枝，就是走得很慢的一群。
後記
小鳥依人
關於愛情，敏之本不欲多談，因為現任男友是圈外人。敏之說：「以前拍拖就係拍拖，冇諗結婚，依家會想有個穩定家。但係結婚我都希望有自己工作，我唔想做『湊仔婆』，咁樣外邊世界發生乜事都唔知。最多我返到屋企做番小鳥依人囉！」在半睡半醒之間，敏之似乎已經找到自己的路。
敏之經歷喪父之痛後，成長不少。
