记得小学个阵,我同一个好好既朋友锺意咗同一个男仔(C仔)..哈哈,以家霖翻都觉得好笑
我四年级开始暗恋个C仔,我地做咗成年同桌，不过到以家都唔知巨有无锺意我。
记得四年级既圣诞节,我同其他几个好朋友约定一齐买卡送俾自己锺意既男仔,系偷偷摸摸甘送。以老师对我地既无限信任,我地好轻易甘摞到课室锁匙。送俾C仔既果张卡我揾咗好耐，而且都几贵(对于当时无乜零用钱既我,以及送卡多数送5毫子黎讲).仲有一样野好搞笑,我竟然唔够胆系张卡度写字,惊巨认得出我D字,哈哈!第二日,巨自然会见到张卡,不过唔知巨知知系边个送俾巨....
五年级,岩先提到既好朋友(helen)转校过黎,唔知点解,可能呢D就叫一见如故,我好快同巨形影不离
就好似好多好朋友一样,一齐翻学放学,一齐去厕所。
巨仲去过我屋企训觉,记得当时我阿妈反对巨留系度,"因为你地仲细,万一人地出乜事,我地边个都担当唔起"
我个阵唔知点解真系好想巨留系度,跟住好戏剧性甘喊咗,喊得好凄凉,一味讲"唔惊架,点会有事啊"
搞到helen都不停甘劝我唔好喊。最后,当然系我胜利咗,我同巨一齐冲凉,哈哈,呢个真系好深刻啊,个阵真系唔知丑啊!
小学好兴传边个同边个一齐,边个锺意边个,我自然成为被传对象。我一直都好怕丑,D人一起哄,我块面就会红到不得了,其实C仔应该知我锺意巨。后来,有人同我讲helen锺意C仔,跟住我亲口问巨系米真既,巨亦都亲口承认咗。当时梗系无任何寸既成分,只系朋友之间既坦白,我亦都无伟大到霖住退出呢个三角关系,根本都唔知个男仔有无锺意我地任何一个。
但系自此之后,我好留意C仔同helen有无咩异常,有阵时见到巨地笑得好开心,个心就好似俾人督咗几下甘,(原来我系甘感性架,甘细个就知心痛既感觉).我自始至终都无嬲过helen,我地系好朋友啊!我唔会重色轻友。
但系事态扭转得太快，以致到以家我仲好疑惑，究竟发生过咩事??
5年级暑假之后,我发觉helen变咗,巨好敏感,好容易对我发猛。我有同巨讲过"我觉得你变咗啊!""系咩?边有姐",系呢个暑假里,我知helen一直同巨表姐一齐,而巨表姐系带有些许"飞女"性质。唔通真系近朱者赤近墨者黑?!而后来发生既同我预感一样,呢段友谊出现裂缝。
我地开始哎交，为好小既事。而且仲会不停挑剔对方既说话,我唔想甘,好辛苦,但好胜既性格令我会为有时哎赢巨而窃窃自喜。其实一切都已经注定,当时既我却懵然不知,如果有假如,我希望假如可以毁灭私欲。
其实我觉得我地友谊既破裂唔关C仔事,但系就唔知helen点霖。
六年级,分班(分班呢样野真系好可恶),好明显系催化剂,曾经既友谊消散不见了!而我地两个并没有想过去努力甘维护呢段友谊。本来呢样野就无分错对。
分班之后,我同C仔唔同班,由于流言蜚语,我地竟然连见到面都唔够胆望对方,个一刻我觉得巨好懦弱,需要甘样咩??话晒都成5年同学一年同桌啊!哈哈,不过我以家霖,可能当时巨都系锺意我啊,只不过巨都系怕丑...哈哈哈。
一切都会消散安静,无疾而终。正如小学毕业之后,我地无再联络过...
