-
今晚的心情对话~好真诚的表达!
2006-11-11 13:35:43
-
距离
2007-08-04 02:04:58
好耐无系空间写日记了,唔知点解,近来工作上有好多事情发生~我个人都有感情上的问题`问题不大~我坚信我同我傻婆会坚持落去~我唔想次次搞到距喊~真系唔想~~因为我们而家沟通得好好`~我吻着你的脸咸咸的泪让我措手不及没想到你会喊....呢个的时候我一句话都讲唔出黎只能把你紧紧抱在怀里感觉自己再一次思维短路......当你以最真实的心情承接我的吻我知知道你心中的痛我根本不了解.......没想到你喊了我唔想再见到你喊更没想到你会对我如此在乎......世界上最远的距离不是眼前或瞬间，也不是意念和誓言，而是无人到达那里的你和我的心！ -
日记?之前睇左溏心风暴后,程亮的日記—沒有常在心的日子~好Touching
2007-08-04 02:00:41
原来爱一个人都可以甘样去为距做的`~好touching~
转贴下来的,溏心风暴程亮日记其实大家有无写吓日记呢?程亮的日記—沒有常在心的日子Alfred的日記實在好感人。我再睇番D片段﹐將佢D日記全部記低晒落嚟。大家可以重溫一下..........沒有常在心的日子﹐第24日﹐睛以前一見到常心寫日記﹐我就會笑佢﹐覺得好無聊﹐根本無人會睇。但到左而家﹐我終於明白一個人係好唔開心既時候﹐原來唔係去飲酒﹐唔係去搵朋友傾計﹐而係好想好想寫嘢﹐將自己既心情寫晒出來。今日係呢24天以來比較開心既一日﹐常在心終於搵到嘢做啦。係尖沙咀一間律師樓到做legal clerk。我諗佢一定好開心﹐一定會再笑番。以前佢成日係我間房到笑﹐無情情都笑一餐。食左粒好味既朱古力都可以笑到咔咔聲。嗰時我成日想佢靜D﹐等我可以專心工作。但而家再聽唔到佢既笑聲﹐我反而好討厭靜既感覺。以前我好有自信﹐決定左就勇往直前。但今次面對常在心﹐我完全唔知點做。我好想行前一步去彌補我既過失﹐但係原來咁樣反而會傷害到佢。當佢望著我﹐D眼淚好似失控咁樣流出來既時候﹐我心好痛。究竟我應該點做﹖有無人可以話比我知我應該點做﹖沒有常在心的日子﹐第29日﹐睛今日律師樓請左個新既legal clerk取代常在心。阿Ted介紹佢比我識。唔知點解佢同我打招呼既時候﹐我個心突然間有種好酸既感覺﹐所以我無頭無尾咁同佢寒暄左幾句﹐之後就行開左。我諗嗰個女仔一定覺得我好奇怪。沒有常在心的日子﹐第33日﹐雨天我每日食lunch嗰時都會搭船過尖沙咀﹐係常在心做嘢嗰座大廈下面條街到來 回 行三次﹐希望可以撞到佢﹐但我無一次撞到。點知我今日一落船就係碼頭見到佢﹐見到佢挨著係欄杆到食漢堡包。佢瘦左﹐仲有D憔悴。但佢收到個電話之後就好開心係到講﹐唔知嗰個人會唔會係得得地呢﹖沒有常在心的日子﹐第37日﹐睛今日水擘擘約左我出來﹐我終於見到嗰個有過度活躍症既副機師David。佢地去完打草地滾球。嗰個David真係好過引﹐不停咁講嘢﹐好似個細路仔咁。見到佢地咁甜蜜﹐我都好替佢地開心。唔知我同常在心仲會唔會有一齊笑﹐一齊開心既日子呢﹖沒有常在心的日子﹐第42日﹐睛我今日係法院門口撞到大腳八。同常在心拍拖既時候﹐我記得有一次我地吵左架﹐好無聊係到諗 - 如果個天比我打贏大腳八﹐但係就會失去常在心﹐我會揀邊樣﹖我當時竟然諗左好內。但係如果而家比我揀﹐我寧願輸一萬次都唔想失去常在心。沒有常在心的日子﹐第49日﹐陰天我今日lunch time又去左尖沙咀﹐又見到常在心係碼頭到食lunch。我見到佢又瘦左﹐個樣好失落。我知佢一定係為左我先至咁。我有時真係好憎自己搞到佢咁樣。我本來好想行埋去﹐但係結果都無。我驚佢一見到我又喊﹐我唔想再見到佢流眼淚。沒有常在心的日子﹐第52日﹐睛今日行過女人街竟然見唔到阿媽﹐我好驚咁周圍搵。打佢電話又打唔通。佢一定係為左慳錢唔交電話費啦。後未比我係條大街到搵到佢﹐佢竟然同我講女人街好多同類型既檔口﹐好難做生意﹐所以出來大街擺檔。我真係好火氣。做無牌小販會被人拉架嘛﹗我忍唔著鬧左佢幾句﹐問佢係咪真係發錢寒﹐我比D家用夠晒佢用架啦。收未我見佢眼濕濕﹐同佢講左聲對唔著。因為我諗番起常在心以前成日叫我唔好咁樣對阿媽講嘢﹐會令佢好傷心。我真係越來越掛著常在心。我同個天講可唔可以比多次機會我﹖我一定會好好珍惜呢次機會。沒有常在心的日子﹐第152日﹐睛得得地搵我幫佢舅父打官司。佢舅父涉嫌冒充日本乾鮑代理商進行詐騙。我同佢fight到盡架啦﹐結果判左緩刑兩年。得得地好開心﹐猛咁同我握手多謝我。佢話好 采 有我﹐如果唔係佢舅父就要坐監啦。唔知點解﹐我已經唔再恨得得地﹐仲開始對呢個人有D好感。沒有常在心的日子﹐第318日﹐雨呢排我成日都發同一個夢。我夢見常在心已經原諒左我﹐成日係我隔離係咁笑。夢始終係要醒既。程亮﹐唔好再傻啦﹐無左常在心﹐日子都仲係要過。專心工作吧啦。沒有常在心的日子﹐第476日﹐睛今期『法律人周刊』選左我做今年既律政界風雲人物。全公司既人都好替我開心﹐但唔知點解我既心情無想像中咁興奮。我一個人去左大排檔叫左碗水蟹粥來食。唔知常在心知唔知道呢個消息呢﹖佢既心情會點呢﹖佢會唔會替我開心呢﹖沒有常在心的日子﹐第718日﹐睛唔知點解今日出街既時候﹐唔覺唔覺去左西環邨。一個對我來講好熟悉但係又好陌生既地方。我停左係到﹐我不知自己等緊嘜。結果等到既係常在心同得得地。我以為我同常在心分開左﹐佢地兩個好快會行埋一齊。點知原來唔係。我一直都不相信有人可以無條件咁去愛護一個人﹐一D目的都無。而家我信啦﹐得得地做得到。我都希望自己可以做到。沒有常在心的日子﹐第831日﹐睛今日我搭的士離開法院既時候﹐我竟然係架的士上面不斷咁流眼淚。以前我成日諗如果終於有一日打贏大腳八﹐我肯定會開心到流眼淚。但我好肯定我今次既眼淚係為常在心開心而流既。今日我心離開常在心既時候﹐我突然之間有股衝動好想走番轉頭同佢講聲你可唔可以原諒我﹖但係我終於都無咁做到。我今次去New York會去一個月先番﹐呢個月我都唔會見到常在心….. 算啦﹐唔好再同佢提番起以前既事啦。我唔想佢好似之前嗰次咁﹐失控咁流晒眼淚。我想常在心永遠都笑﹐好似今日係法院走廊到笑得咁開心。原來呢兩年來﹐我打既日記加埋有成十二萬字。我諗我呢世人打過既中文字加埋都唔夠我呢本日記多。希望有一日常在心原諒左我既時候﹐我地可以一齊坐係梳化到﹐一路食水蟹粥﹐一路睇番呢本日記。沒有常在心的日子﹐第843日﹐陰天今日我一落機就番左office﹐Duncan病左。我代佢見兩個clients。呢單係一單離婚case。係個太太提出離婚既。個丈夫係會計司﹐好斯文。個丈夫情緒好激動﹐係我office到大聲咁鬧佢老婆。我都唔知自己當時點解會咁惡喝個client。我從來都未試過 係office發咁大脾氣。我見到個女人不斷咁流眼淚﹐我都唔知點安慰佢好。食飯既時候﹐諗番起嗰個男人所講既嘢﹐我覺得呢個人真係好醜惡。其實自己咪同佢一樣咁醜惡。有時我會諗 ….. 我雖然對唔著常在心﹐但我已經真心知錯啦﹐我已經盡晒自己既能力去補償﹐我真係唔明白點解常在心仲要咁掘強。逐漸我清楚啦…..唔明白既人係我。我唔明白我對常在心既傷害有幾深。沒有常在心的日子﹐第857日﹐睛天我今日收到國際法律界年會既確認信﹐我竟然攞到個傑出青年法律人銀獎。阿Ted 同Gordon班嘢好似仲開心過我﹐係都要拉我去卡拉OK慶祝。其實我無咩心情去。不過突然間諗起呢個可能另一個機會比我見到常在心。沒有常在心的日子﹐第863日﹐雨死啦﹐已經深夜三點鐘﹐仲未諗到咩方法可以幫常在心打嗰單case。我忽然間諗番起嗰日係撞車嗰條馬路到常在心望著我既眼神。佢仲係鍾意我既。不如你鼓起勇氣同佢講對唔著啦﹐佢會原諒你架。不如咁啦﹐交比個天決定﹐如果明日仲係落雨架話﹐我就向佢表白。沒有常在心的日子﹐第864日﹐陰天今日成日都係陰陰天﹐一直都無落雨。我心諗 算啦﹐個天叫我唔好講。點知突然間落雨﹐我開心到好似細路仔咁笑。Cindy 佢地都唔知我做咩。我即刻打電話比常在心約佢出來。我話比常在心聽佢嗰單case我仲未諗到咩point﹐但佢無比壓力我﹐仲叫我放肆D慢慢諗。佢仲講左D佢上庭既得意嘢被我聽。個傻妹話有一次﹐當佢講結案陳詞嗰陣時﹐講講下竟然發現自己條裙無拉拉鍊。其實都唔係真係咁好笑﹐但係佢就笑到好似收唔到制咁﹐成身都震晒。我終於無聽個天講﹐同常在心表白﹐希望佢原諒我。因為我見佢笑得咁開心﹐我唔想勾番起以前D往事﹐我驚佢又喊﹐我唔捨得佢喊。程亮﹐唔好諗咁多啦﹐而家最重要既就係幫常在心諗掂D point。幫個輕度弱智既男仔脫罪。沒有常在心的日子﹐第871日﹐睛今日我終於見識過常在德嗰種無賴法﹐估唔到過左兩年﹐佢一D都無變過。但我同常在心就已經唔同左。常在心比以前成熟左﹐堅強左。我地都唔會好似以前咁為左佢阿哥吵架。我開始明白常在心以前既感受﹐已經有個咁唔生性既阿哥﹐仲要比個男朋友鬧﹐佢當時既心情一定好難過。我真係好後悔自己當時點解唔體諒下佢多D﹐不過而家後悔都已經太遲啦。以前我地每次吵架﹐問心講﹐我真係覺得自己無錯。我以為我做咩都係為左常在心好。我係緊張佢所以先鬧佢。但係原來我根本就唔識點樣先係對一個人好。對唔住呀﹐常在心當你真係好鍾意一個人﹐無論你已經為佢付出左幾多﹐你都會覺得唔夠。你會好想用你一生既時間來對佢好。唔知我仲有無咁既機會呢﹖
